Retiram umha bandeira de solidariedade com @s pres@s independentistas da bancada do Lugo

futNo dia de hoje aos Siareiros do Club Deportivo Lugo foi-lhes retirada umha bandeira da Plataforma Que Voltem para a Casa! durante o encontro que se celebrou contra o Ponferradina. Os factos decorrerom nesta manhá quando o claque do Lugo pendurou várias insígnias de corte nacionalista, após ums minutos de jogo a segurança privada do estádio procedeu a retirar a bandeira na que constava a legenda “Que voltem à casa”.

Os motivos esgrimidos para tirar a bandeira era que nas bancadas atopava-se um delegado da Liga Profesional de Fútbol encarregado de vigiar qualquer tipo de emblema ou cántico que “subvertera a ordem”. Deste modo considerou-se por parte da segurança privada que a bandeira da Plataforma que Voltem para a Casa!, organizaçom pública que trabalha em prol do cumplimento dos Direitos Humanos das/os presas/os independentistas, era um distintivo de “terroristas”.

Ao remate do jogo umha pessoa foi reclamar à bandeira às oficinas da segurança privada explicando que nom era sua mas que simplesmente acudia para a sua devoluçom. A surpresa aconteceu quando os vigiantes lhe comunicárom ao siareiro que tal bandeira já fora entregada à Policía Nacional e que em caso de querer recupera-la deveria acudir à comisaria acompanhado do chefe de segurança do Lugo. O siareiro negou-se à identificaçom e a acudir até a comisaria, umha resposta que foi contestada polo chefe de segurança com um “tu verás em que chapus te metes”.

Desde o Organismo Popular Anti-repressivo CEIVAR denunciamos a nova ofensiva repressiva que está a atopar cenário nos estádios das equipas galegas e que persegue as sensibilidades soberanistas desde País. Nom o fam do mesmo jeito com as incontáveis bandeiras de corte nazi, franquista, espanholista e fascista que som as que realmente incitam ao ódio e às condutas mais repugnantes. Assim mesmo rechaçamos energicamente todas as campanhas de criminalizaçom contra a solidariedade e que se expremem, cada dia mais, em todos os ámbitos do nosso País.

Adiante a solidariedade imparável!