Aderimo-nos á IX Marcha às Cadeias

ix_marcha_as_cadeias

Somentes restam duas semanas para que se leve a cabo a IX Marcha às Cadeias convocada pola Associaçom de Familiares e Amizades d@s pres@s polític@s independentistas Que Voltem para a Casa!. Umha marcha que durante nove ediçons mantem-se em pé achegando a solidariedade até as mesmas portas das prisons.

A Marcha às Cadeias consiste numha viagem reivindicativa em prol dos direitos das/os presas/os independentistas galegas/os e como um modo de romper com a dispersom que mantém ás/aos retaliadas/os galegas/os a centos de quilómetros dos seus fogares. Até as/os presas/os independentistas galegas/os chegaremos em autocarros que sairám desde todos os pontos do País e com o objetivo firme de que sintam a solidariedade imparável da que formamos parte.

É por isto que o Organismo Popular Anti-repressivo CEIVAR faz um chamamento a secundar a mobilizaçom que terá lugar desde o 16 de Janeiro pola noite e toda a jornada do dia 17. Animamos-vos a todas/os a acudir a umha viagem na que se bem é certo que será longa como também o é a nossa luita, nom faltarám os risos, o convívio, a música e, por suposto, a solidariedade.

REMATAR COM A DISPERSOM

TRAZE-LAS PARA CASA

Toda a info: www.quevoltem.org