A data de 29 de Dezembro veu-se de fazer público um comunicado assinado polo advogado defesor de Carlos Calvo Varela, Benet Salellas. O escrito enviado a correios electrónicos e publicado em diferentes plataformas virtuais contém umha série de difamaçons contra o Organismo Popular Anti-repressivo CEIVAR polo que resulta óbvio dar umha resposta na mesma medida:
1.- O Organismo Popular Anti-repressivo CEIVAR nunca fizo alusom interna nem pública na que se lhe atribua a Carlos Calvo Varela a sua pertença a nengumha organizaçom armada nem se referiu à sua sintonia política com a luita ilegal. O trabalho solidário desenvolto por este Organismo Popular Anti-repressivo nom foi empregado em nengum caso no processo judicial contra Carlos Calvo Varela para inculpa-lo nem para agravar os delitos polos que ele mesmo está acusado.
2.- Ao Organismo Popular Anti-repressivo CEIVAR nom lhe corresponde a laboura de decidir e/ou investigar/saber se Carlos Calvo Varela é responsável dos delitos dos que é acusado, nós apoiamos a todas/os as/os independentistas reprimidas/os por motivaçom política.
3.- O Organismo Popular Anti-repressivo CEIVAR solidariza-se com todas/os as/os presas/os políticas/os, especialmente com as/os presas/os independentistas galegas/os. No caso de existir algum/ha presa/o independentista galega/o que prefera que nom volquemos a nossa solidariedade para com ela/e, o Organismo Popular Anti-repressivo CEIVAR nom oferece nengum inconveniente em deixar de reclamar a sua liberdade embora nos resulte triste e incompreensível. No caso de Carlos Calvo Varela nunca o Organismo Popular Anti-repressivo CEIVAR recebeu notificaçom expressa de cesar a nossa atividade solidária com Carlos Calvo Varela.
4.- O Organismo Popular Anti-repressivo CEIVAR nom se responsabiliza das opinións, consideraçons ou uso de material feito por pessoas, organizaçons ou plataformas alheias a este Organismo Anti-repressivo. O Organismo Popular Anti-repressivo CEIVAR responde estritamente polo trabalho feito de forma pública e mediante as suas canles de comunicaçom oficiais.
5.- Finalmente e ante a geralizaçom da sensaçom de que encorvando o lombo se evitam os paus, e sobretodo que perante um problema coletivo como é a repressom, a única saida proveitosa é a individual, nós, o Organismo Popular Anti-repressivo CEIVAR reiteramos a nossa aposta pola solidariedade e negamo-nos a aceitar as pantasmas de falsas vitórias individuais que debilitam a aposta coletiva deste Povo. Quando se sofrem agressons é preciso umha resposta unitária, quando a dominaçom é mais poderosa mais necessária é a comunidade, quando cunda o fatalismo cumpre sempre orgulhar-se da própria rebeldia.
Viva a solidariedade!