Liberdade para os três antifascistas detidos ontem

B3ZM9qgIgAA7cDQ.jpg_largeAo medio dia de hoje eram postos em liberdade o ex preso antifascista galego Suso Seoane, o advogado Juanma Olarieta e o ativista Aitor Cuervo após passar a noite detidos em Madrid acusados dum delito de “enaltecimento do terrorismo”.

Por volta das dez da manha de ontem Suso Cela dirigia-se a apanhar um autocarro urbano para acudir a umha mobilizaçom contra os despejos quando um polícia à paisana se abalançou contra o ex-preso a ponta de pistola. De seguido vinte guardias civis procedérom à sua detençom.

Suso Cela e Juanma Olarieta reportárom um trato dentro da normalidade, nom assim Aitor Cuervo quem sinalou que fora conduzido até um monte durante uns minutos com intençom de amedrenta-lo e que posteriormente o foi subido ao carro policial para desloca-lo até depedências da Guardia Civil.

Nesta manhá os três detidos fôrom postos a disposiçom do juíz da Audiencia Nacional, Eloy Velasco, e também ante umha Fiscalia que nom solicitou medidas de prisom. Passadas as doze da manhá eram postos em liberdade com a obriga de assinar cada 15 dias.

O irmao de Suso Cela, Carlos, deslocou-se até Madrid para buscar a Suso e nestes momentos ambos atopam-se em companha de solidárias/os madrilenhas/os. Hoje à noite está prevista a sua volta para a Terra.

Lembramos que a nai de Suso Cela, Pepita Seoane, de 75 anos foi acusada do mesmo delito de “enaltecimento do terrorismo” a começos deste ano por umhas declaraçons feitas ao diário El Mundo. Prestou declaraçom nos Julgados da Corunha em Junho.

Desde o Organismo Popular Anti-repressivo CEIVAR manifestamos toda a nossa solidariedade com os detidos e criticamos energicamente as medidas procedentes do Ministerio del Interior de vulnerar os direitos relativos à liberdade de expressom e as políticas de vigilância permanente.