Suso Cela Seoane detido por “enaltecimento do terrorismo”

maxresdefaultNesta manhá era detido o ex-preso antifascista galego Suso Cela Seoane numha operaçom da Guardia Civil que salpicou também às localidades de Madrid e La Rioja. Os três detidos som acusados de “enaltecimento do terrorismo” durante umhas jornadas anti-capitalistas que se desenvolvérom há um ano na vila biscaina de Laudio.

Ademais do militante antifascista corunhés, foi também detido em Torrejón de Ardoz o advogado dos GRAPO, Manuel Olarieta Alberdi, e em La Rioja, Aitor Cuervo Taboada quem fora processado em outras ocasions polo delito de “enaltecimento do terrorismo”. Nestes momentos continuam em dependências da Audiencia Nacional à espera de ser postos ante o juíz especial Fernando Andreu.

A detençom de Suso Cela produziu-se a primeiras horas da manhá quando este se dirigia a tomar o autocarro para acudir a umha mobilizaçom contra os despejos. Cela nom há mais dum ano e médio que está em liberdade após passar 23 anos em prisom e dispersado polas cadeias espanholas de Topas, Sevilla, Alcalá Meco, Soria, Carabanchel e Badajoz.