25-N nem um passo atrás contra o terrorismo machista

8888888888888888O Organismo Popular Anti-repressivo CEIVAR queremos fazer-nos presentes umha vez mais este 25 de Novembro para denunciar a brutal repressom que se exerce contra as mulheres em todos os ámbitos da vida. A situaçom de violência machista nom se reduz a paliças se nom que inclue as vexaçons impulsionadas polos meios de comunicaçom, as diferenças salariais, as atitudes que procuram infra-valorar-nos e políticas institucionais que desde o berce perpetuam umha sociedade de controlo machista.

Desde CEIVAR tampouco queremos passar por alto as agresons dirigidas contra as mulheres mais consciencializadas do nosso País. As forças repressivas no seu conjunto empregam-se a fundo para menosprezar o nosso trabalho, restar-nos méritos e ver-nos coma um mero instrumento ao serviço dos nossos companheiros. Nos hoje dizimos basta aos seus insultos e golpes machistas dirigidos contra nós nas mobilizaçons, basta de que ver-nos como sujeitos “de segunda” e basta de que repremam a nossa forma natural de organizar-nos.

Tampouco queremos deixar passar esta data sinalada sem mencionar à presa independentista galega Maria Osório Lopes que atravessa pola dispersom, a incomunicaçom e um juízo onde se vulnerou o seu legítimo direito à defesa. Maria Osório declarou-se insubmissa a Espanha e ao seu sistema capitalista, machista e opressor, ums processos de muita tensom que ela enfrentou com dignidade de ser mulher e independentista.

É por isto que este 25 de Novembro desde o Organismo Popular Anti-repressivo CEIVAR apoiamos a auto-organizaçom das mulheres para combater a violéncia machista em todas as suas formas e em todos os ámbitos da vida.

Adiante as mulheres que luitam!

Nem um passo atrás contra o terrorismo machista!