Mobilizaçom em defesa da Língua e em solidariedade com as condenadas polo #8f45anos

Minutos depois do meio-dia do domingo partia da Alameda de Compostela a mobilizaçom que levou por legenda “Paremos as políticas de extermínio contra a nossa Língua”. Mais dum cento de pessoas encabeçadas por organizaçons sociais e políticas manifestavam assim o seu total rechaço contra as medidas que procuram aniquilar o Galego mas também respaldando ás/aos seis condenadas/os a 11 anos de prisom por fazer fronte no 2009 à organizaçom galegófoba “Galicia Bilingüe”.

b_450_0_16777215_00_archivos_Administradores_Maurcio_2014-11_161114_linguaControlo anunciado

O protesto que decorreu polas ruas da capital galega estivo em todo momento vigiado pola Policía Nacional que nom duvidou em manter um extremo controlo policial na cidade desde horas antes. Ringleiras de polícias ataviados com material anti-distúrbio caminhárom rodeando a manifestaçom num desafio permanente.

A posta em cena do que aconteceu o domingo concorda com as declaraçons feitas esse mesmo dia polo novo Subdelegado del Gobierno na Galiza, Santiago Villanueva, nas que mantivo ao “terrorismo” como principal foco da sua atençom e atividade.

Retroceso no número de falantes e solidariedade

A mobilizaçom concluiu na Praça do Toral onde Óscar Gomes, membro do Organismo Popular Anti-repressivo CEIVAR, denunciou a situaçom de retroceso no que se atopa o nosso idioma mas também a repressom penal e económica das pessoas encausadas.

Igualmente Giana Rodrigues foi a encarregada de ler o seguinte manifesto antes de proceder ao canto do hino da Pátria.

“Em 2009, quando regia a administraçom autonómica o bipartido PSOE-BNG e se iniciavam certas medidas institucionais de apoio ao Galego, a organizaçom extremista Galicia Bilingüe convocou umha mobilizaçom apoiada por toda a extrema direita política e mediática para paralisar qualquer política ativa de normalizaçom e favorecer o retorno do PP à Junta da Galiza.

A mobilizaçom espanholista foi contestada por dezenas de pessoas que se concentrárom frente à Alameda de Compostela, sendo identificadas e agredidas pola Polícia espanhola, que era alentada por seguidores de Galicia Bilingüe. Produzírom-se detençons, cargas, ingressos hospitalares e a impossibilidade de os setores sociais favoráveis à língua deste país exercerem o seu direito de manifestaçom. Mais umha vez, os antidisturbios encargárom-se de impedi-lo a porraços e pelotadas.

Aquel conflito rematou nos julgados, processando-se 10 pessoas para as que se solicitárom 45 anos de prisom e importantes sançons económicas. Finalmente, seis fôrom condenadas a onze anos de cárcere num juízo que suscitou a solidariedade de todos os agentes sociais, sindicais e políticos do país e as petiçons mediáticas de fortes condenas polo Delegado del Gobierno de España Samuel Juárez.

A sentença do juízo que nas redes sociais se chamou #8f45anos é paradoxal: quando o IGE anuncia que, por primeira vez na história da Galiza, os galegos e galegas que temos a língua do país como primeira somos já menos de 50% da populaçom e a transmissom intergeracional normalizada é incerta, quando se incumprem as raquíticas iniciativas legais favoráveis ao Galego e se legisla ativamente contra a nossa língua, quem remata no banco dos acusados, e condenadas, som independentistas que denunciam este extermínio planificado.

As associaçons, entidades e organizaçons abaixo assinadas, chamamos a sociedade galega a se mobilizar no próximo domingo 16 pola absoluçom das seis pessoas condenadas a prisom e para exigir umha viragem radical nas políticas lingüísticas planificadas e executadas pola administraçom galega e espanhola para conquistar o seu histórico objetivo de substituir definitivamente o Galego polo espanhol e a nossa extinçom como Povo.

Defender o nosso idioma é também defender as pessoas perseguidas e sancionadas por reivindicá-lo. Nunca renunciaremos à nossa Língua.”

Todas as imagens da jonada e o vídeo podedes atopa-los no web de GalizaContrainfo.