Jornal espanhol ‘La Gaceta’ suplanta a personalidade do preso independentista Raul Agulheiro num video para ridiculizá-lo

2Manipulaçom informativa.

O diário espanhol de extrema direita La Gaceta, do grupo Intereconomía, publicou na ediçom digital de 7 de novembro umha nova sob o título Agulleiro ya se jactaba de acusar a María San Gil. O titular complementa-se com umha crónica falsa e dous videos em que um reporteiro do diário espanhol entrevista um indivíduo com um físico visivelmente distinto do de Raul Agulheiro que suplanta a personalidade deste para dar visos de veracidade à crónica de La Gaceta.

A jornal de extrema direita apagou onte a notícia do seu web logo de receber umha chamada do Organismo Popular Anti-repressivo CEIVAR advertindo do início de açons penais por esta intoxicaçom informativa. Anexamos as capturas de écram realizadas que provam a suplantaçom de personalidade. Foi impossível recuperar o video em que o indivíduo que aparece como Raul Agulheiro se auto-inculpa com visível inconsciência do protesto nom autorizado contra Maria San Gil em fevereiro de 2008 e “reconhece” manter relaçons “com Cuba e Euskal Herria”.

O Organismo Popular Anti-repressivo CEIVAR estuda o início de açons judiciais contra La Gaceta por esta informaçom que confirma, por enésima, vez umha prática habitual dos principais meios de propaganda no tratamento informativo de exceçom que recebe o independentismo galego. Destacar que, em fevereiro de 2008, Raul Agulheiro nem sequer cursava estudos na USC.

1