A Ley de Seguridad Ciudadana continua o seu trámite parlamentário

imagesNo dia de ontem a Ley de Seguridad Ciudadana dava um passo mais na sua tramitaçom parlamentária. O Ministro de Interior, Jorge Fernández Díaz, foi o encarregado de apresentar as últimas novidades das que poucos dados existem em claro. O único que até o momento que se sabe é que das 58 infraçons contempladas no borrador, passa-se a 47 e que a assistência a manifestaçons nom autorizadas deixa de ser falta grave para ser falta leve. Até ai fôrom as conclusons extraidas num debate parlamentário onde as nove emendas à totalidade propostas pola oposiçom decaérom a causa da maioria absoluta do Partido Popular.

Além da oposiçom dos partidos políticos no Parlamento espanhol diferentes coleitivos como GreenPeace, No Somos Delito ou Amnistia Internacional, concentrárom-se na porta do edifício para expremer o seu desacordo com a já chamada Lei Mordaça.

A partir de agora a Ley de Seguridad Ciudadana deverá de ir ao Senado e de ai de novo ao Congreso para a sua aprobaçom final. Ainda que as datas de aprobaçom variam segundo as fontes o que parece certo é que se aprovará antes das vindeiras eleiçons gerais de 2015.