Na Galiza assistimos a umha volta de porca nas políticas aplicadas pola ditadura política e económica que sofremos. Corrupçom e roubo indiscriminado do regime político e económico; exlcusom social, pobreza extrema, cortes sociais e negaçom de direitos civis e políticos; assimilacionismo cultural e lingüístico; feminicídio e um longo etc.
Nesta tessitura continuamos assistindo a novas acçons repressivas do Estado, a mais julgamentos-farsa contra o Povo. Nos dias 7, 8 e 9 de Outubro assistiremos a um novo julgamento político contra cidadaos galegos, acusarám-nos de ser independentistas irredentos, inimigos da legalidade espanhola, amigos da revoluçom. Heitor Naia será julgado na Audiencia Nacional junto a Diego Santim. Junto a eles e contra eles o vizinho de Vigo e colaborador da fiscalia espanhola, Xurxo Rodriguez Olveira.
A petiçom contra Heitor Naia é de 17 anos de prisom como também o é para Diego Santim polos cárregos de pertença a organizaçom terrorista e danos com finalidade terrorista, o outro processado está ao serviço da fiscalia e já pactuou a sua pena no marco da sua colaboraçom, e no que tratou de envolver a mais processados na vista.
Heitor e Diego foram detidos em Setembro de 2012 em Vigo, incomunicados e encarcerados em prisons madrilenas por orde do juiz instrutor. Após vários meses de cativeiro foram postos em liberdade provisória à espera do julgamento.
Do Organismo Popular Anti-repressivo fazemos um chamado para a solidariedade imparável se mostrar mais umha vez com aqueles que sofrem repressom política neste País.