O Julgado do Contencioso Administrativo de Bilbo veu de declarar nulo um decreto previamente aprovado polo concelho biscainho de Ortuella no que se outorgavam 2.000 euros a familiares de presas/os vascas/os em conceito dos gastos económicos derivados da política de dispersom espanhola. Ademais o juiz que dictou a sentença, Javier Lanzos, solicitou às famílias que devolvam integramente a quantia que perceberam até o momento.
A denúncia contra o decreto do consistório de Ortuella foi apresentada pola Abogacía del Estado a instáncias do Delegado del Gobierno na zona, Carlos Urquijo. Nom é a primeira vez que um tribunal anula um decreto municipal desta índole mas a novidade radica na obriga de devolver a prestaçom económica.
Solidariedade
Desde o Organismo Popular Anti-repressivo denunciamos novamente as condiçons às que se vem submetidas já nom só as presas dispersadas se nom também as suas famílias. Milhares de quilómetros percorridos cada semana, sangrias económicas difíceis de afrontar, accidentes de carros, efeitos psicológicos derivados da ansiedade polo temor a nom chegar a tempo… som só umhas das poucas consequências perversas da política repressiva do Estado.