Esta semana terá lugar o julgamento contra o bombeiro que em Fevereiro de 2013 negou-se a intervir no desalojo de Aurelia Rey, umha corunhesa de 85 anos à que pretendiam expulsar da sua casa polo impago de duas mensualidades. A actuaçom do bombeiro junto com os centos de pessoas concentradas, conseguírom parar as intençons da Polícia e do Julgado permitindo que Aurelia continuara a morar na sua vivenda.
Esta quinta feira, dia quatro, está previsto o juízo contra o bombeiro imputando-lhe o facto de que rechaçara botar a porta abaixo da casa de Aurelia Rey. Ademais do julgamento existe umha convocatória de concentraçom chamada desde Stop Desafiuzamentos da Corunha a partir das 11:00h diante dos Julgados do Contencioso-Administrativo da cidade(rua rúa Enrique Marinhas Romero, edifício Proa).
Solidariedade
O comportamento admirável do bombeiro sentou um precedente no seu grémio e a partir desse momento numerosas/os companheiras/os de profissiom procedérom com negativas às injustas leis de despejos. A solidariedade com o bombeiro galego chegou desde muitos pontos do Estado e incluso recolhérom-se 40.000 asinaturas para que nom seja expedientado.
Desde o Organismo Popular Anti-repressivo CEIVAR fazemos um chamamento a secundar a mobilizaçom da quinta feira como mostra de respeito às/aos que ainda baixo pressom policial mantenhem-se firmes contra a injustiça social.