No dia de hoje a Fiscalia de Ponte-Vedra tomou a decisom de arquivar a denúncia apresentada pola CIG na que a central sindical reclamava que se investigara a falsificaçom de assinaturas por parte de polícias com o objetivo de sancionar a sindicalistas. As provas apresentadas pola CIG dumha peritagem caligráfica confirmariam que as assinaturas da denúncia nom se correspondiam com as da ratificaçom polo que os polícias incurririam num delito de “falsidade documental em documento público”.
Os factos polos que os agentes pretendem denunciar aos sindicalistas remontam-se a 2012 durante umha concentraçom em Ponte-Vedra contra o rescate da Banca. Na mobilizaçom registrárom-se incidentes e fôrom-lhe impostas sançons aos trabalhadores filiados à CIG. Nessa altura, o advogado da central sindical compareceu nos Julgados para apresentar as alegaçons correspondentes e ai foi quando se decatou de que as assinaturas dos polícias que assinavam as denúncias nom quadravam com as que ratificavam as mesmas.
O arquivamento por parte da Fiscalia gerou umha ampla indignaçom na central sindical que já se planteja denunciar os factos pola via penal ante a gravidade dos factos.