(Atualizado) CEIVAR convoca a VII ediçom da Cadeia Humana pola Liberdade d@s pres@s independentistas

colante_cadeia_humana_2014Por sétimo ano consecutivo o Organismo Popular Anti-repressivo CEIVAR organiça a VII ediçom da Cadeia Humana pola liberdade das/os presas/independentistas que terá lugar o día 24 de Julho às 18h na Praça da Galiza (Compostela).

 A Cadeia Humana é por excelência o ato reivindicativo anual no que se exige a repatriaçom das/os independentistas galegas/os presas/os, a suspensom das estratégias de extermínio carcerário e a liberdade de quem se encontram desterradas/os  por participarem no processo de liberaçom nacional e social da Galiza. Assim mesmo é também o momento no que, mau com mau, tecemos a rede de solidariedade que consigue vissibilizar às/aos presas/os independentistas da nossa Naçom e denunciar as ilegalidades e ilegitimidades que estám a sufrir nas prisons espanholas; dispersom, humilhaçons, restriçons, etc.

Solidariedade imparável

A legenda da VII Cadeia Humana será “Solidariedade imparável, liberdade presas/os independentistas” e com ela queremos amossar o nosso mais firme compromisso para que as/os retaliadas/os estejam na rua mas também de que cada convocatória seja reforçada por mais pessoas concienciadas com justiça social e nacional.

Durante estes 365 dias que passárom desde a anterior Cadeia Humana o nosso Povo tivo que enfrontar incontáveis processos repressivos tanto nos Julgados Provinciais como na Audiência Nacional. Centos de galegas/os estivemos arroupando às/aos processadas/os e esse apoio o que demonstra é o grande potencial solidário com o que conta a nossa Terra.

Devido a que a repressom é inerente às reinvindicaçons, a solidariedade também o será. Com este motivo o Organismo Popular Anti-repressivo também estará presente na mobilizaçom juvenil e nas manifestaçons do dia 25 respaldando aos seitores mais castigados pola repressom e fazendo um chamamento a organizar-se.

É o tempo, é o lugar e é a hora de botar-nos às ruas e por isso fazemos um chamamento público a todos os agentes políticos e sociais a secundar a VII Cadeia Humana e demandar a liberdade das/os presas/os independentistas e o fim das políticas repressivas que ejercem contra a cidadania deste País.

Ante a repressom espanhola, solidariedade imparável!

Preparativos da Cadeia Humana

festa_OUDurante os dias prévios à VII ediçom da Cadeia Humana, CEIVAR fara-se presente nas ruas do País mediante umha campanha publicitária de cartaces, faixas, pintadas, colantes e demais ferramentas populares.

Na comarca de Ourense as reivindicaçons irám acompanhadas dumha festa em solidariedade com as/os presas/os independentistas. Será o dia 22 no Pub Avanti a partir das 22h e na que haverá petiscos, sorteios e muita música.

Igualmente informamos que durante os dias 24 e 25 em Compostela poderedes mercar diverso material do Organismo Popular Anti-repressivo, especialmente as últimas existências da primeira ediçom “O teito é de Pedra: a vida e a luita arredista nas cadeias” escrito por ex-presas/os independentistas galegas/os. O dia da Pátria na Alameda colocará-se um posto no que ademais da venda, estará disponível umha mesa e postais para que lhe enviedes umhas palavras às/aos presas/os independentistas numha data tam sinalada para nós.