Milhares de pessoas contra a repressom sindical

indultosBaixo a legenda “Defender os dereitos da clase traballadora non é delito” milhares de pessoas saírom às ruas de onze vilas do País no dia de ontem para rechaçar a brutal repressom que está a exercer o Governo contra a classe trabalhadora .

A mobilizaçom estava convocada polos principais sindicatos, Confederación Intersindical Galega (CIG), Unión General de Trabajadores (UGT) e Comisiones Obreras (CC.OO) e tivo como objecto principal solicitar o indulto para as operárias Tamara, Ana, Carlos e Serafim. Estas trabalhadoras enfrentam-se a umha petiçom de três anos de cadeia por ter participado em piquetes informativos denunciando recortes laborais e sociais.

Durante os discursos que se pronunciárom denunciou-se a rapidez com a que banqueiros e corruptos som indultados mas que no caso das quatro trabalhadoras esta-se a demorar durante tortuosos meses e inflingindo maior sufrimento para as próprias famílias. Por outra banda instou-se à Junta a que agilice os trámites para que a medida de graça lhe seja concedida às quatro trabalhadoras que, ademais, contam com um forte respaldo popular plasmado em dúzias de manifestaçons e em milhares de apoios recadados.

Assim mesmo no dia de hoje comunicou-se que Serafim e Carlos nom irám à prisom até que o Consejo de Ministros resolva sobre a sua segunda petiçom de indulto.