Ato público em apoio a Maria Osório

mariaA militante independentista Maria Osório foi condenada por um tribunal de exceçom, a Audiencia Nacional Española, a 7 anos  e 9 meses de prisom num processo no que nem ela nem nengum dos outros imputados – Antom Santos, Eduardo Vigo e Roberto Rodríguez- fôrom acusados de danos a pessoas nem a bens materiais.

Maria, que se encontra em liberdade desde Fevereiro do ano passado, enfrenta-se agora à sentença firme pola qual o Estado pretende encerrá-la de novo nas cadeias espanholas para cumprir mais de seis anos de prisom que lhe restam.

Em busca e captura desde o 12 de Maio

Em lugar de seguir o procedimento habitual e exigir à jovem que escolhera umha data de ingresso na cadeia, os juízes espanhóis decretárom diretamente a busca e captura umha vez a sentença da Audiência Nacional se tornou firme polo Tribunal Supremo.

Deste jeito Maria encontra-se perseguida desde há ums vinte dias pesando sobre ela a ameaça de ser encarcerada no momento em que a localize a Polícia. Esta situaçom imposibilita que Maria e as suas achegadas desenvolvam umha vida com normalidade marcada pola intranquilidade e a angúria de nom saber quando o ensanhamento da repressom espanhola cernira-se sobre ela.

Erguendo umha bandeira de solidariedade

A campanha de solidariedade que se leva meses desenvolvendo sob a legenda “Eu também som Maria Osório” provocou umha grande vaga de apoio à militante retaliada. Milheiros de fotos de todas as sensibilidades políticas e sociais chegárom ao blogue eutambémsommariaosorio.wordpress.com como umha mostra de oposiçom ao ingresso em prisom de Maria.

A dia de hoje e perante a nova situaçom, Maria quer explicar publicamente o seu posicionamento para enfrentar a perseguiçom policial. O seu desejo é faze-lo diante das pessoas que se tenhem solidarizado com ela e também ante os médios de comunicaçom.

Deste jeito o próximo sábado, 7 de Junho,  Maria Osório participará num ato público no Centro Social A Gentalha do Pichel às 12:00 onde ela mesma explicará em primeira pessoa como está a viver estes momentos e quais som os motivos que a levárom a nom presentar-se para ser detida.

Desde o Organismo Popular Anti-repressivo CEIVAR fazemos um chamamento a todas as pessoas solidárias com Maria Osório a participar no ato e  umha vez mais erguer umha bandeira de solidariedade com a militante independentista retaliada.