Em dias passados informamos da repressom que está a ejercer Galicia Bilingüe com as solidárias que apoiárom às processadas polo juízo #8f45anos. Concretamente fazia-se alusom ao alunado do I.E.S de Breamo em Ponte d’Edume que há umhas semanas tirárom umha foto com a legenda “Defender a Língua nom é delito”.
Na anterior nova já referiamos a que Glória Lago, ao frente da organizaçom galegófoba Galicia Bilingüe enviara umha queixa à Conselharia de Educaçom assim como à Direçom do centro educativo. Esta Direçom agora decidiu sucumbir às pressons mediáticas da organizaçom ultra e iniciou a apertura dum expediente informativo contra um jovem militante da organizaçom juvenil Agir que estuda no liceu com o argumento de “ser o promotor do ato”.
As solidariedades com o moço já estám a chegar desde as diferentes organizaçons e associaçons políticas e culturais. Desde CEIVAR também queremos solidarizar-nos com ele porque defender a Língua nom é delito! Ser solidárias tampouco!
Visto para sentença o juízo contra cinco jovens por realiçar um mural
O dia 28 de Maio quedava visto para sentença o juízo contra cinco militantes de Galiza Nova por um “delito de deslucimento do mobiliário urbano”. Os factos remontam-se ao passado 23 de Fevereiro durante a greve estudantil na que as cinco jovens pintárom um mural em Mondariz em contra da LOMCE e em prol dum ensino público e em galego.
Após ser identificadas pola Guárdia Civil um empregado público do Concelho denunciou-nas a petiçom do alcalde da localidade, Juli Alén (PP). A Fiscalia solicita para as cinco moças umha pena de localizaçom permanente e o abono do custe de “reparaçom” do muro.