A Seçom Primeira da Sala do Penal da Audiência Nacional presidida polo juíz Grande Marlaska viu de emitir umha sentença conhecida no dia de ontem na que condena ao preso independentista galego, Carlos Calvo Varela, a 12 anos de prisom polos supostos de “integraçom em banda terrorista” e “tenência de explosivos”.
Carlos Calvo fora detido junto ao preso Xurxo Rodríguez Olveira em Setembro de 2012. Ambos fôrom julgados no pasado mês de Maio polos mesmos factos, sem embargo, Xurxo Rodríguez Olveira foi condenado a 6 anos de cadeia, a metade que Calvo Varela. Esta reduçom da condena deve-se segundo relata o informe judicial à “colaboraçom ativa” com a Polícia assim como o “reconhecimento dos factos” e o seu “arrepentimento”.
Por outra banda um dos três magistrados que integrou a Sala, Sáez Valcárcel, emitiu um voto particular contrário à condena de Carlos Calvo ao considerar que durante o juízo tiveram-se em conta provas nom válidas por ausência de contradiçom ou ineficaces. Ademais, este magistrado nom encontrou provada a existência dumha “organizaçom terrorista” nem a pertença de Carlos à mesma.