Desde que se iniciou a campanha de solidariedade com as doze processadas que enfrentárom um juízo os passados dias 20, 22 e 23 de Maio com o único delito de defender a Língua, as imagens e mensagens de apoio nom parárom de chegar desde a muitos pontos da Galiza e incluso do Estado Espanhol.
O Liceu de Educaçom Secundária de Breamo de Pontedeume também se sumou à campanha enviando umha fotografia de quase quarenta alunas portando cartazes com a legenda “Defender a Língua nom é delito”.
A chegada numerosa de adesons à campanha de apoio com as retaliadas por defender o idioma do País provocou a reaçom de Galicia Bilingüe, organizaçom galegófoba da que está ao frente Gloria Lago. Nestes dias Galicia Bilingüe denunciou ante a direçom do I.E.S de Breamo a imagem tomada polo estudantado e exigiu a apertura dumha investigaçom para conhecer quem promoveu este ato anexando distinto material gráfico tirado das redes sociais. Do mesmo jeito tentou apontar a possíveis “culpáveis” sinalando a pessoas concretas assim como às organizaçons estudantís as que pertencem num claro intento por criminaliza-las.
Desde CEIVAR nom podemos mais que mostar o nosso respaldo às que cada dia ejercem ativamente o grande valor da solidariedade e denunciamos o medo que pretendem inculcar organizaçons ultras-galegófobas como Galicia Bilingüe contra os sectores mais conscientes da mocidade galega.
Defender a Língua nom é delito!
Solidaridade imparável!