Comunicado de CEIVAR perante as ameaças recebidas por parte de A.R.O.

logo_ceivar_corA militância deste Organismo Popular Anti-repressivo sempre tivo que enfrentar a repressom política em todas as suas expressons, coaçons e ameaças. Estas som inerentes a todos os movimentos de libertaçom nacional e social.

O triste e insólito é que este tipo de práticas como as intimidaçons, provenham de quem conheceu esta realidade e, hoje, ressentidos numha fugida face adiante, e querendo aliviar o seu pesar, optem pola agressom verbal e física contra as/os que continuam na luita contra a repressom.

Este é o caso de A.R.O., irmao do preso galego X.R.O.  A.R.O vém de ameaçar a CEIVAR na pessoa do nosso companheiro O.G. Esta agressividade já se plasmou numha agressom física nas últimas semanas a umha das pessoas que será julgada junto a X.R.O. nos vindeiros 07 e 08 de Outubro na Audiência Nacional.

O motivo que alega A.R.O. é supostamente proteger a sua família e vingar as possíveis “faltas de respeito” por causa da atitude colaboracionista com a repressom mantida por X.R.O. no último julgamento da Audiência Nacional.

Absurdo, colher por onde ser colher. Pola contra, CEIVAR, sempre tivo um sumo respeito por todas as famílias com as que temos tratado nestes dez anos de solidariedade com as presas e presos independentistas galegos.

Fazemos público este comunicado para informar à militância independentista e aos movimentos populares em geral destes factos e apelar à solidariedade e responsabilidade de todas/os para, desde o diálogo, desterrar este tipo de comportamentos.

Nem a repressom espanhola, nem as ameaças destrutivas e incoerentes de quem obviam, por próprio interesse pessoal, a realidade, vam mermar o nosso trabalho de solidariedade com as/os presas/os políticas/os galegas/os nem censurar o posicionamento de CEIVAR mediante as coaçons.