Som doze as pessoas processadas que se enfrentarám a un juízo nos Julgados de Fontinhas (Compostela) os vindeiros dias 20, 22 e 23 de Maio. O seu “delito” foi fazer frente às agressons à língua galega que Galicia Bilingüe pretendia plasmar o passado 8 de Fevereiro de 2009 numha manifestaçom na capital galega. As penas que pretendem impor a esta dúzia de independentistas acadam os 46 anos de prisom e os 34.000 euros de sançom económica.
No dia de hoje, três representantes das doze retaliadas realizárom umha rolda de imprensa para denunciar a situaçom mas também dar início à campanha de solidariedade. Sobre a mesa colocou-se a imagen de Roberto Fialhega, Teto, preso independentista galego que também acudirá ao juízo em qualidade de imputado e que se atopa nestes dias deslocado na prisom de Teixeiro tal e como informamos em dias passados. A continaçom reproduzimos o comunicado:
Defender a língua nom é delito
Na Galiza em Galego!
O Estado espa
nhol aplica um verdadeiro cerco contra o exercício pleno dos direitos lingüísticos do povo galego, numha complexa estratégia que pretende impor definitivamente o espanhol e tem na repressom contra quem defende o nosso idioma umha das suas expressons mais claras.
A 8 de fevereiro de 2009, umha manifestaçom contra o Galego convocada por organizaçons abertamente antigalegas como ‘Galicia Bilingüe’, UPyD, PP e Falange, com autocarros transladados de fora da Galiza para reclamar a suspensom do nosso direito coletivo e individual à língua, enfrentou na capital galega a oposiçom de numerosos coletivos e pessoas que saírom às ruas em defesa do Galego.
Depois de sofrer as provocaçons dos ultras e o espancamento da Polícia espanhola, que em todo o momento lhes deu cobertura, um número significativo de galegos e galegas fomos denunciadas e enfrentamos um processo repressivo com pedido de fortes penas de prisom.
Nos próximos dias 20, 22 e 23 de maio, decorre em Compostela um desses julgamentos, contra umha dúzia de pessoas que naquela jornada protestamos contra a presença dos ultras pró-espanhol nas ruas da Galiza.
Queremos expressar o nosso agradecimento às entidades que expressárom a sua solidariedade com as pessoas retaliadas por defender o galego e exigimos o fim da perseguiçom que o Estado espanhol exerce contra os direitos lingüísticos do povo galego.
Apelamos ao nosso povo a se solidarizar com A.L, B.M., N.V., X.R., A.R., A.A., S.M., X.X.P., A.F., A.B., R.C., R.R., participando na concentraçom que vai ter lugar no dia 20 de maio às 9:00 h. às portas dos Julgados das Fontinhas em Compostela.
Nom vamos permitir mais agressons contra a nossa língua nem contra a dignidade nacional galega.
Desde CEIVAR apoiaremos ativamente às doze pro-língua encausadas e exigimos a sua livre absoluçom. Do mesmo jeito fazemos um chamamento à solidariedade a todas as pessoas, coleitivos, movimentos sociais, partidos políticos e associaçons para contribuir de dous modos: o primeiro refire-se a visibilizaçom desde juízo mediante cartazes, redes sociais, conversas… todo o que tenhamos ao nosso alcanço e o segundo é acudindo às concentraçons que terám lugar os dias 20, 22 e 23 de Maio nos Julgados de Fontinhas (Compostela) às 09:00.
Declaraçons da rolda de imprensa