Duas trabalhadoras condenadas a três anos de prisom por participar numha greve

anatamaraAna Outerelo e Tamara Vidal, trabalhadoras do Centro Desportivo Campo Longo de Ponte-Vedra, venhem de ser condenadas a três anos de prisom -sentença firme- por participar numha greve em 2010 na que se demandava um convénio coletivo para o sector.

Durante o percurso do protesto, Ana e Tamara fôrom acusadas de guindar um copo com pintura dentro dumha piscina, danos que materialmente ascendem a mil euros. Ante este facto a Audiência Provincial de Ponte-Vedra considerou que ambas pressionárom ao resto de trabalhadores das instalaçons desportivas ainda que os trabalhadores que seguirom nos seus postos negárom sentir-se coacionados. Pola contra, Tamara Vidal e Ana Outerelo reafirmam que a sua atitude respondia a defender os direitos às greves assim como a melhorar as condiçons coletivas.

Solidaridade com as retaliadas

A solidariedade já se fijo chegar de múltiples modos. Os companheiros das condenadas expremirom o seu rechaço a esta condea a que qualificam de injusta e recolhérom-se 6.000 assinaturas para que lhe seja concedido o indulto.

Desde Ceivar também queremos fazer-nos eco dumha nova e brutal repressom contra a classe trabalhadora galega e solidarizamo-nos com as retaliadas. De nom mudar a situaçom, quatro trabalhadoras galegas aginha entrarám na cadeia; Tamara, Ana, Serafim e Carlos.

Avante a luita obreira e popular!

Avante a solidariedade!