No dia de ontem o jornal espanholista ABC publicava umha nova titulada “A USC e o Ateneu Ferrolano acolhem um ato encabeçado por umha terrorista de RG”. A nova fazia referência aos atos públicos organizados por CEIVAR com motivo da apresentaçom do livro “O teito é de pedra” elaborado por ex presas/os independentistas galegas/os.
Nom contentos com criminalizar as palestras informativas e a praxe política da solidaridade com os retaliados, o ABC pujo-se em contato com a Universidade de Santiago de Compostela assim como com o Ateneu Ferrolano para exigir explicaçons do emprego dos seus espaços. Esta conduta, além de impedir o exercício da liberdade de expressom, pretende apertar às instituçons e aos coleitivos para que sumem à campanha iniciada há umhas semanas que leva por objetivo a intoxicaçom sobre os movimentos que se declaram independentistas.
Desde CEIVAR somos conscientes de que ontem o ABC pujo o olho sobre o Organismo Popular Anti-repressivo mas nestes últimos dias a difamaçom jornalística tocou a todos os setores que trabalham em prol da soberania nacional. A publicaçom de fitícios organigramas, informaçom dificilmente verificável e de absolutos disparates só demonstram que a sua pretensom é atacar a qualquer organizaçom política, juvenil, sindical, ecologista, cultural, etc.