Se pensavamos que o tinhamos todo lido sobre a manipulaçom informativa, entre onte e hoje a imprensa comercial surpreendeu à sociedade galega com outra volta mais. A Cadena Ser emitia na manhá de onte umha nova baixo o título “Segundo a Polícia umha cisom de Resistência Galega liderou a violência do 22M em Madrid”. A desinformaçom correu como a pólvora nos meios galegos e espanhóis em diferentes versons, também as redes sociais faziam-se eco mas perguntando-se que tipo de brincadeira era essa.
Em essência a nova recolhe que o atestado assinado pola Brigada de Informaçom da Polícia Nacional é concluinte: os distúrbios acontecidos a passada fim de semana na Marcha da Dignidade em Madrid som produto da militância galega. Incluso se atrevem a sinalar com maior precisom e apontam que foi “umha cisom de Resistência Galega composta por 250 pessoas”.
Desmontando o circo mediático
Desde CEIVAR orgulha-nos comprovar que nom se lhe está a dar nenhum tipo de creto a esta informaçom mal-intencionada, inverificável e que vulnera qualquer código deontológico da profissom jornalística.
Por outra banda salientamos as palavras do Delegado do Governo na Galiza que há umhos poucos meses em declaraçons públicas afirmava que “este grupo terrorista está conformado por umhas 15 pessoas”. Isto contrasta claramente com o informe citado em linhas anteriores da Brigada de Informaçom da Polícia Nacional e que fala dum mínimo de 250 membros.
Finalmente e umha vez mais fazemos fincapé no transfundo desta nova. A absoluta subordinaçom da imprensa às directrices do Ministério do Interior e a solicializaçom do independentismo coma umha conduta ilegal.