A Audiência Nacional cita a umha galega por umhas declaraçons feitas em 2013 a “El Mundo”

pepitaA histórica militante Josefa Seoane Paz recebeu no dia de hoje umha citaçom por parte da Audiência Nacional na que este tribunal de excepçom pede que se investigue a Pepita por um suposto delito de “enaltecimento do terrorismo” (art. 578 Código Penal).

Os factos datam de 2013 numha entrevista concedida ao diário El Mundo após da saida da prisom dum dos seus filhos, Suso Cela Seoane. A conversa publicada o 07 de junho do ano passado é interpretada pola AN como umha “justificaçom da banda criminal GRAPO como umha resposta a umha suposta violência do Estado” assim como de “menosprezar, caluniar e humilhar às vítimas”.

Pepita, que a dia de hoje conta com 75 anos de idade terá que apresentar-se o vindeiro 12 de junho às 10:30 no Julgado da Corunha. A petiçom fiscal pode oscilar entre um e dois anos de cadeia.