O responsável comarcal do BNG em Vigo, Manuel Caride, sentou esta manhá no banquinho dos acusados do Julgado de Paz de Baiona para responder polo cárrego de “deslucimento de bens imóveis”.
Os factos remontám-se a Agosto do ano passado quando Caride, junto com outros companheiros, fixerom umha pintada com a mensagem “Galiza Nación” e a bandeira da Pátria no Alto da Groba ao passo de La Vuelta Ciclista a España. Segundo Caride, a intençom era reivindicar a visibilidade do País assim como defender a identidade do Povo Galego.
Posteriormente a eses atos a Guárdia Civil em colaboraçom com a Polícia Local parou a comitiva na que ia Caride, registrárom os carros e atopárom pinturas e plantilhas. Quatro pessoas fôrom identificadas mas o reponsável do BNG foi o único denunciado.
Na manhá de hoje o advogado da defesa pediu a livre absoluçom e remarcou que estes factos nom som constitutivos de delito e, que de haver qualquer responsabilidade, esta estaria prescrita devido a que já passárom mais de seis meses.
A sentença preve-se que saia a quinta feira da vindeira semana.