Na manhá de hoje Ceivar-Compostela empapelou a Facultade de História da capital galega para solicitar à comunidade universitária que tome parte e denuncie o caso do preso político galego Antom Santos. Lembramos que o retaliado era professor nessa Facultade até que foi detido em Dezembro do 2011.
A campanha com os cartazes som o passo prévio a umhas novas iniciativas nas que se apresentará no Departamento de História Contemporánea e na Junta da Facultade um escrito solicitanto a sua repatriaçom.
A continuaçom reproduzimos o texto do cartaz:
Antom Santos Peres foi professor de História Contemporánea nesta Facultade de Geografia e História. Em 01 de Dezembro de 2011 foi detido pola Polícia Espanhola junto à sua companheira, Maria Osório. Incomunicado durante vários dias sob a Lei Anti-terrorista, ingressou em prisom preventiva sendo dispersado à prisom madrilenha de Aranjuez, a 700 quilómetros do seu lugar de residência habitual. Hoje, mais de dous anos mais tarde, continua preso e desterrado nessa localidade espanhola.
O professor Santos Peres foi julgado em junho de 2013 e condenado a umha pena de dez anos de prisom por “pertença a banda armada” e “falsificaçom de documentos” num juízo celebrado num tribunal político de excepçom, sem garantias jurídicas e onde a sentença estava preescrita. Essa sentança foi recorrida ao Tribunal Supremo e os seus advogados pretendem impugná-la no Tribunal de Direitos Humanos de Estrasburgo.
Desde a sua detençom, incomunicaçom, encarceramento, deportaçom, juízo e condena a dez anos de prisom, a Facultade de Geografia de História fijo um mutismo absoluto a respeito da situaçom do professor Santos, dando por boa a “versom oficial” dos factos e negando-se incluso a reivindicar a permanência de Santos num cárcere instalado na Galiza. Esta atitude contrasta abertamente com a do Doutor agora preso, home comprometido a fundo com este País e com a sua profissom, docente e investigador histórico de reconhecido prestígio com várias publicaçons e trabalhos e bom companheiro dos seus companheiros/as como certificam todas/os que o conhecêmos pessoal e profissionalmente.
É tempo de que remate este silêncio cúmplice com umha situaçom inaceptável: solicitamos à Junta da Facultade que demande ao Governo Espanhol o imediato traslado para a Galiza de Antom Santos Peres e que denunie, publicamente, a vulneraçom dos seus mais elementares direitos fundamentais, assm como os dos seus familiares e amigas. É inaceptável que a repressom nos volva cegas, mudos e surdas.
A Junta de Facultade de Geografia e História, se esta nom quere ser refém dos poderes e da correçom política imperante, se nom quere ser cúmplice dumha repressom desumana, deve mover ficha, levantar a sua voz e denunciar esta situaçom.
Queremos que Antom Santos volte para a casa!
A sua dispersom é umha medida ilegal!