Ceivar secunda a manifestaçom feminista do 8 de Março

1394368676805Esta manhá Ceivar apostava-se na Praça da Quintana (Compostela) com umha faixa própria na que se expressou a legenda: “Basta de represom contra as mulheres”.  Demais militantes acompanhárom a marcha.

A manifestaçom nacional partiu da estaçom de comboios, percorreu a zona nova compostelá para finalmente encaminhar-se pola zona velha até a Praça da Quintana donde tivo lugar o ato político.IMG799

Membros de Ceivar, com a habitual funda branca e a carauta, colocárom-se na entrada da praça aguardando a chegada da mobilizaçom. As feministas ao diante das solidárias anti-repressivas berrárom en numerosas ocasions “presas à rua, a luita continua” assim como “nom estamos todas, faltam as presas”.

Desde Ceivar queremos declarar o nosso apoio ao movimento feminista galego, assim como respalda-las nas suas reivindicaçons já que entendemos que o domínio sobre o corpo e a vida das mulheres também é repressom. Ao igual, queremos manifestar os nossos parabéns polo milheiro de mulheres que hoje se derom cita em Compostela.