Vigo
No dia de onte o Berbés acolheu desde bem cedo os protestos dos marinheiros polo reparto das quotas do jurelo e rincha. A manifestaçom estivo acossada por 15 grileiras da Polícia espanhola.
Os túneis de Beiramar fôrom cortados assim como várias ruas do centro de Vigo. Os manifestantes deslocárom-se até a Delegación da Xunta em Vigo e botárom pedras contra o edifício. Posteriormente, retornárom para a zona portuária com intençom de voltar paralisar o tránsito mas umha forte presença policial estava disposta a impedir-lhe-lo.
No porto começárom os distúrbios quando a Polícia tratou de identificar os mobilizados e chegou deter um deles. As forças repressoras lançárom bolas de goma e emprendérom-a a vergalhaços com os nossos marinheiros. Estes tampouco ficárom de braços cruçados e as agressons fôrom respostadas.
Foi detida umha pessoa, várias feridas com golpes na cabeça e 5 agentes declarárom também estar “feridos”.
Crunha
No dia de hoje outra maré de marinheiros percorreu as ruas de Crunha para sumar-se às reivindicaçons polo desigual reparto de quotas de peixe, para além de reclamar a demissom do Ministro de Agricultura y Pesca, Miguel Arias Cañete, e da Conselheira de Pesca, Rosa Quintana.
Os trabalhadores do mar obstaculizárom um carril da ponte da Passagem, momento no que os antidistúrbios repartírom porraços com a escusa de deixar passar o tránsito.
A marcha rematou às 11:00 frente à Delegación del Gobierno e posteriormente encaminhárom-se até o escalextric de Linares Rivas onde figérom umha sentada rematando na Casa do Mar.
http://galizacontrainfo.org/mari%C3%B1eiros-do-cerco-manifestanse-na-coru%C3%B1-07032014