Na manhá da sexta feira, dia 28 de fevereiro, umha representante de CEIVAR achegou-se até o Parlamento Galego para reunir-se com os grupos parlamentares a fim de apresentar-lhes a flagrante vulneraçom de Direitos Humanos cometidos contra a família Saiáns-Casal.
A companheira do Organismo Anti-repressivo mantivo umha reuniom com membros do PsdeG e BNG na que se lhe fixo entrega dum dossier no que se detalham os pormenores aos que esta família galega se viu submetida: detençom injustificada, 41 dias de prisom para Júlio, 15 horas sem lactância para o bebé Martinho, etc. Assim mesmo solicitou-se que procederam ao estudo do documento e levaram o caso ante o Parlamento Galego, o Congresso das Deputadas e emitisem um comunicado público de denúncia.
O escrito tivo muita boa acolhida ainda que desde CEIVAR somos conscientes de que a pressom e o trabalho sério terám que ser umha constante para conseguir denunciar este caso a nível institucional. Por problemas de agenda nom nos puidemos reunir com AGE mas aguardamos poder faze-los nos vindeiros dias.