Amanhá voltará ser sexta-feira de fim-de-mês. Estamos em pleno Entroido, momento para as brincadeiras e as coisas que nom som o que parecem, mas a repressom e a dispersom seguem a ser as mesmas sem carautas nem disfarzes. No que levamos de ano, 16 companheiras e companheiros comparecêrom ante um juíz e os seis presos políticos galegos continuam detrás dos muros das prisons.
Onte recebiamos a nova de que Xurxo Rodrigues Olveira era transferido para a Lama, umha vitória parcial que nom será total até que tenhamos todos os retaliados nas suas moradas. Ainda assim, este acontecimento tem que animar-nos para continuar na luita: os presos com os jejuns e nós com as concentraçons mensais para reivindicar em conjunto:
1- Reconhecimento da sua condiçom de prisioneiras e prisioneiros políticos.
2- Fim da política de dispersom penitenciária.
3- Reagrupamento dos membros do coletivo numha prisom em território galego.
4- Cessamento do regime de reclusom nos centros de menores.
5- Melhora geral das condiçons de vida nas prisóns
Ademais nas concentraçons deste mês nas vilas e cidades do País faremos umha foto de grupo para enviar os parabéns ao preso independentista Carlos Calvo Varela, que em março celebrará o seu aniversário.