Há umhas poucas horas tinhamos a informaçom promovida desde Cárcere igual Tortura dumha convocatória de acçons descentralizadas como medida de apoio às presas que estám levando umha greve de fome indefinida para denunciar as mortes nas prisons. A semana reivindicativa começou no dia de ontem 21 de Fevereiro e rematará o vindeiro 2 de Março.
Só no que levamos de 2014 fôrom três os presos mortos dentro dos muros das cadeias. Trata-se de Orka, Arkaitz Bellón e J. G. R. Este dado parcial confirma que as Instituçons Penitenciárias som centros de extermínio onde as torturas físicas e psicológicas estám à orde do dia e que lamentavelmente conduzem à morte a muitas das encarceradas.
Desde Ceivar queremos mostar toda a nossa solidariedade com as presas e respaldar as suas reivindicaçons legítimas de fim da brutalidade, do régime FIES, etc. Do mesmo jeito animar-vos a que difundades as situaçons polas que estám a atravessar estas pessoas e sensibilizar à cidadania para que os atos denigrantes aos que se vem submetidas deixem de ser umha constante.