Após umhas horas de publicar-se que um menor será levado ante a Audiência Nacional, neste momento temos a confirmaçom de que três militantes independentistas mais serám julgados na Corunha também o dia 18 de Fevereiro polos supostos delitos de “danos em bens e inmóveis”.
Trata-se de três jovens independentistas que, durante umha campanha que denunciava a precaridade laboral, forom abordados por duas patrulhas da Polícia. As forças repressoras registrárom o carro no que estavam os três militantes e requisárom-lhes material político. Deste jeito forom denunciados por “danos em bens e inmóveis” e polos que tivérom que pagar ao Concelho de Corunha um importe de 600 euros.
Vários meses depois, concretamente neste mês de Fevereiro, chegou-lhes a citaçom para pessoar-se nos Julgados Provinciais de Corunha para responder por estes mesmos cárregos.
Como medida de apoio a organizaçom juvenil na que militam os moços, Isca, convoca umha concentraçom para o mesmo dia 18 de Fevereiro às 10:00 diante das portas dos Julgados Provinciais de Corunha.