Um militante independentista é citado na Audiência Nacional sem ser-lhe especificada a correspondente imputaçom

Nestes dias um militante da esquerda independentista do Condado recebeu umha citaçom da Fiscalia de Menores da Audiência Nacional para acudir a declarar o vindeiro 18 de Fevereiro em Madrid.

Na carta emitida desde o Tribunal de Excepçom em ningum momento se faz referência às imputaçons que obrigam ao jovem a despraçar-se, junto as suas titoras, à capital do Estado. Ademais é destacável que esta missiva chegou apenas dez dias antes do requerimento da sua comparecência.

Seis menoraues enviados à AN o ano passado

A prática repressiva de que militantes juvenis sejam requeridas pola Audiência Nacional nom é novo na Galiza. O ano passado seis menores de Ourense forom enviados á AN acusados dum suposto delito de enaltecimento do terrorismo por portar fotos dos presos galegos numha manifestaçom do 1º de Maio.

O facto de que estas jovens sejam encausadas em Madrid responde a que nos Julgados Provinciais nom existem secçons de menores. Esta explicaçom seria a qüestom técnica mas o que se agocha detrás desta situaçom é a intimidaçom e pressom dirigida ás moças comprometidas com o País e a sua família mais direta.

Desde Ceivar somos conscientes de que ultimamente a repressom esta-se a concentrar nas militantes galegas mais jovens com a intençom de desmobiliza-las. A sua relativa curta idade e as coacçons familiares colocam à mocidade numha tesitura ainda mais complicada polo que os esforços anti-repressivos e solidários tenhem que duplicar-se para arroupa-las.