Adiado por segunda vez o juízo polos distúrbios no protesto de “Galicia Bilingüe” no 2009

biliA vista contra doze galegas estava prevista tal e como anunciamos neste web para os dias 25, 27 e 28 de Fevereiro. Finalmente a cita queda fixada para o 20, 22 e 23 de Maio deste ano por motivos técnicos.

Doze som as pessoas processadas polos incidentes acontecidos em Compostela o 08 de Fevereiro de 2009 durante umha manifestaçom de “Galicia Bilingüe”. Esta organizaçom galegófoba nessa data convocara umha mobilizaçom contra as medidas de protecçom do nosso idoma e a cidadania galega saiu às ruas a contramanifestar-se. O que aconteceu esse dia ainda permanece na memória dum Povo que nom está disposto a que se desprestigie nem se vulnere a sua fala.

Nova data: 20, 22 e 23 de Maio

Respeito ao juízo lembramos que já se tentara realizar em Outubro de 2012 mas um dos delitos que se imputavam nom estava recolhido nos autos polo que se tivo que adiar. Desta volta o escolho derivava no erro de citaçom a umha das pessoas que está encausada e que se atopa a centos de quilómetros da Galiza, ademais de que um dos testemunhos se atopa em Eslovénia.

Com todo, o juízo já está fixado para o 20, 22 e 23 de Maio.

46 anos de prisom e 34.000 euros de multa

Em conjunto as doze pessoas processadas enfrentam-se a umha petiçom de 46 anos de cadeia e 34.000 euros de multa por umhos supostos delitos de “desordens públicas”, “delitos de danos”, “atentado contra a autoridade” e “lessons” que fam que as penas de cárcere oscilem entre os dous e os seis anos para cada umha das acussadas.