O independentista Adriám Mosqueira ‘Senlheiro’ será julgado nos tribunais de exceçom para primeiros de março com umha petiçom de 18 anos de prisom

senlheiro-libertade-624x416A Audiencia Nacional processará o militante galego Adriám Mosqueira Paços -mais conhecido na sua contorna social e política como Senlheiro– em 3, 4 e 5 de março, solicitando para ele umha condena de 18 anos de prisom. Dez correspondem ao delito de “integraçom em banda armada” do que o acusa o Ministerio Fiscal espanhol e oito por outro de “tença de explosivos”. Trata-se do segundo juízo desde que o tribunal de exceçom decidisse com a sentença 00024/2013 que no nosso país opera umha “organizaçom terrorista”.

O encarceramento de Mosqueira Paços reune todos os elementos com que o regime trata a militáncia que liga ao exercício da violência política, ainda esta repressom se administre individualizadamente a cada preso segundo às necesidades repressivas do Estado. Assim, é detido em janeiro de 2013 sob a Ley Antiterrorista, incomunicado e submetido a juízo mediático e fortes pressons psicológicas. A posteriori, ingressa no cárcere classificado como FIES 3 -categoria  com que o Estado define os presos políticos cuja existência nom reconhece-, dispersado a Soto del Real (Madrid) e, numha segunda fase, à de Villabona (Asturies), donde se encontra atualmente a 325 quilómetros do seu domicílio e continuam às pressons psicológicas.

A própia detençom e encarceramento evidéncia a execionalidade da Ley Anti-terorrista, porquanto é detido perto dumha casa em ruinas onde se agocham vários termos com material explosivo. O seu atestado policial recolhe que o dispositivo de infra-vermelhos que rodeava este depósito saltara por volta de 30 vezes nos três meses que levava instalado, devido à passagem de vizinhas daparóquia de Bugalhido (Ames), animais, etc., mas unicamente quando a pessoa que se achegou da “zona crítica” era um independentista que reside nesta paróquia a Guárdia Civil decidiu proceder à detençom. Neste período, que já dura mais dum ano, Mosqueira Paços foi submetido a distintos mecanismos de pressom psicológica  para quebrar a sua vontade política e pessoal, incluindo o seu ingresso num dos chamados “modulos de respeito”, o achegamento de  “chivatos”  e chegando a ter  que tomar medicaçom especializada segundo um modelo de atuaçom que já se tem repetido em outras ocasions.

Segunda sentença

 O juíz espanhol Fernando Andreu decretou o ingresso em prisom de Mosqueira Paços após o período de incomunicaçom apesar de este ter negado a vinculaçom com os explosivos e, o que é mais significativo ainda, apesar de que a prova de ADN realizada impedisse fixar a relaçom entre o vizinho de Quistiláns e o material. Embora a inexistência de provas fidedignas para a acusaçom alimentou num primeiro momento a esperança da excarceraçom do independentista, a realidade é que há escassas semanas vem de cumprir os primeiros 12 meses de prisom e dispersom.

 O processo contra Mosqueira Paços é o segundo em que o tribunal de exceçom tratará de certificar a existência dumha organizaçom armada ilegal a operar na Galiza. Assim, embora a sentença que condenou Maria Ossório, Antom Santos, Eduardo Vigo e Roberto R. Fialhega Teto no juízo de junho ainda nom é firme, porquanto está recorrida no Tribunal Supremo, a Audiencia Nacional tratará de acumular um segundo veredito de “integraçom em banda armada” que de ser aceite polo Tribrunal Supremo faga com que exista a jurisprudência necessária para validar legalmente a sua existência. Demonstrar que Senlheiro fai parte da organizaçom na que nunca admitiu militar é um fator chave nesta estratégia anti-independentista.

Solidariedade

 Desde esta informaçom queremos transmitir a nossa solidariedade e apoio ao preso independentista galego, exemplo dum já longo compromisso com este país apesar da sua mocidade, e à sua contorna familiar e social, ficando a espera da decissom do preso respeito à convocatoria de mobilizaçons em Madrid e convocando mais umha vez à base social independentista a seguir participando nas dinámicas de mobilizaçom e denúncia da repressom dos independentistas presos.