Os trabalhadores Carlos Rivas e Serafín Rodríguez estám próximos a ingressar na prisom da Lama por integrar um piquete informativo em Vigo, junto a outras 80 pessoas, durante a greve de transportes de mercadorias de 2008. Por este facto forom condenados a três anos de prisom alegando un suposto delito contra os direitos das trabalhadoras (art. 315 do Código Penal).
Aplicaçom da pena máxima
Além de que nessa jornada de mobilizaçom nom se registrárom incidentes, para os operários aplicou-se a pena máxima, três anos. A primeira sentença contra os sindicalistas foi emitida polo Julgado do Penal nº1 de Vigo em 2009 e dous anos depois ratificada pola Audiência Provincial de Ponte-Vedra.
Ante esta situaçom a Confederación Intersindical Galega (CIG) solicitou o indulto ante o Governo Espanhol e que foi rechaçada.
3.000 pessoas solicitam o indulto
Mais de 3.000 pessoas solicitárom mediante umha sinatura que se lhes conceda o indulto para estes trabalhadores que a dia de hoje continuam trabalhando, caracem de antecedentes penais e tenhem filhos menores.
Mobilizaçom este domingo em Vigo
As centrais sindicais CIG, CCOO e UGT convocárom umha manifestaçom em Vigo solicitando o indulto para Carlos Rivas e Serafín Rodríguez e exigindo o cese da repressom contra a clase trabalhadora.
O Organismo Popular Anti-repressivo Ceivar também estará presente esse dia com a leitura que estas condenas som umha tentativa governamental de disciplinar à mobilizaçom social pola via do medo e mediante o terror policial e judicial.
Prisom para os corruptos que roubam ao Povo
LIBERDADE PARA OS GREVISTAS DO TRANSPORTE