Contra chuva e vento, de novo as solidárias voltarom sair ás ruas do País. Detrás da legenda “liberdade presos independentistas” um amplo número de pessoas concentrarom-se a partir das sete da tarde em nove localidades galegas para arroupar aos retaliados políticos e denunciar a sua situaçom de dispersom e encarceramento.
Durante as mobilizaçons repartirom-se mais dum milhar de brochuras nas que se informou dos juízos contra a militância independentista que vam decorrer nos vindeiros meses, conseguindo deste jeito a atençom da cidadania. Assim mesmo aproveitou-se para berrar reclamando a repatriaçom dos presos e exigindo os seus direitos. O toque mais humano produziu-se ao final dos atos quando as concentradas exibirom faixas para parabenizar a Antom Santos que nas vindeiras semanas celebrará o seu aniversário. As imagens serám remitidas polo Organismo Popular Anti-repressivo Ceivar até a prisom de Aranjuez.
Finalmente e como já é habitual, em Noia a Polícia voltou identificar ás solidárias. No resto de localidades nom se registrarom incidentes.