[Atualizado Sábado 18 de janeiro]:Em Liberdade às detidas. Ontem sexta-feira as 3 detidas declararom na Audiência Nacional e ficarom em liberdade com a obriga de comparecer semanalmente num julgado próximo ao seu domicilio o vizinho de Lugo Xabi e o de Ciudad Real, Gabriel; a vizinha de Vigo, Maria, terá que visitr os julgados todos os dias.
Segundo informa a imprensa a estas horas, na noite de hoje forom detidas três pessoas acusadas supostamente do ataque com cóctel molotov á sede do Círculo de Empresarios Galicia-Club de Vigo na madrugada do 17 de setembro de 2012. Por estes factos foi detida umha mulher em Vigo e dous homens, um em Ciudad Real e outro em Lugo.
O operativo policial está coordenado desde Madrid baixo ordes da Audiência Nacional e já se produzirom vários registros nas cidades das que eram vizinhos os detidos.
Se bem é certo que algumhos “médios de comunicaçom” querem ligar o acontecido ao independentismo, desde Europa Press (agência que publicou a nova) cita-se que estas pessoas estavam vencelhadas á esfera anarquista.
Quanto menos cabe destacar que nom se trata de umha detençom usual e que polo momento a inexistência de mais dados exige cautela.
Finalmente nas redes socias está a expandir-se umha auto-convocatória em Lugo para amanhá, quarta dia 15, na Praça Maior às 20:30h com um formato de assembleia aberta e possível concentraçom.