Nesta segunda feira os edís do BNG e Anova do Concelho de Téu conseguirom sacar adiante umha moçom para achegar ao preso independentista Antom Santos a umha prisom galega. PP, PSdG-PSOE e Independentes por Teo (InTeo) rejeitarom a proposta ainda que finalmente foi aprovada.
O “nacionalista” Manuel Anjo Fernandes foi o encarregado de dar leitura ao texto que vinha promovido pola plataforma “Que voltem para a casa!”. Durante a sua exposiçom, Fern
andes detalhou a situaçom de Antom Santos quem se atopa dispersado na cadeia de Aranjuez desde 2011 a 665 quilómetros da sua morada. O BNG também matiçou que esta circunstância perpetua um dobre castigo que a outros presos nom lhes é imposto. Ademais, duvidou da objetividade da política penitenciária espanhola.
Pola sua banda, tanto PP, PSdG-PSOE como Independentes por Teo defenderom a medida repressiva da dispersom, actuaçom implementada nos anos 80 durante o mandato de Felipe González.
Com tudo, a aprovaçom desta moçom é umha pequena vitória política assim como da própria cidadania galega que se materialiçara-se em instar ao Governo Espanhol a que repatrie a Antom Santos a Galiza.
O PP de Compostela impede a discussom dumha moçom que ponha ponto e final á disperssom de Eduardo Vigo
Semelhante ao acontecido em Téu, no mesmo dia os representantes do BNG tentarom apressentar umha moçom no pleno municipal de Compostela para urgir ao Governo Espanhol que respeite os Direitos Fundamentais do vizinho Eduardo Vigo que actualmente se atopa dispersado em Leom a 365 quilómetros da sua casa. Ao igual que em Téu, a iniciativa partia originariamente da plataforma “Que voltem para a casa!”.
A proposta argumentada polo BNG, em boca de Rafael Vilar, referia-se ao incumprimento dos artigos 25.2 da Constituçom de 1978 e o artigo número 12 da Lei Orgánica Geral Penitenciária e que nom se estám a respeitar com os presos independentistas galegos.
O PP, grupo maioritario na Cámara impediu qualquer tipo de debate ao considerar que nom se tratava dum debate urgente. Pola sua banda, o PSdG-PSOE abstivo-se.