A execuçom do programa económico e político da extrema direita é impossível sem o recurso generalizado à violência. A bateria de iniciativas legislativas de perfil autoritário em tramitaçom e a inflaçom dos orçamentos estatais para a violência policial som provas evidentes de que, longe de estarmos à saída do tunel de que fala o discurso oficial, avançamos face a expansom do protesto social e a crescente fascistizaçom do regime espanhol.
A última medida neste sentido é a compra polo Ministerio de Interior de vários camions de água a pressom para utilizar contra mobilizaçons. Segundo o BOE, estes som “ideais para acometer o controlo de massas”. Cada umha destas unidades, já conhecidas pola oposiçom política no tardofranquismo, Euskal Herria, Alemanha e as ditaduras chilena e turca custará 493.680 euros. Várias corporaçons policiais destacárom que os jactos de água som mais lesivos do que as bolas de goma.
Financiamento para a repressom
Nesta aposta estratégica pola violência como instrumento de controlo social é de destacar que em 2013 Madrid gastou 3.26 milions para Material Antidisturbios e Equipamientos Específicos de Protección y Defensa que utilizam os distintos corpos repressivos, multiplicando por vinte o orçamento destinado a esta matéria em 2012