Hoje ás 11:00 horas dezenas de pessoas concentrárom-se ante o Concelho de Ames convocadas pola Plataforma “Que voltem para a casa!” para reivindicar a transferência de Hadriám Mosquera (Selheiro) a umha prisom galega.
As asistentes colocarom-se tras umha faixa que resumia a situaçom de Senlheiro: privado de liberdade e de direitos e dispersado ilegalmente a 325 quilómetros do seu domicílio em Quistiláns. Ao mesmo tempo berrou-se em contra deste tipo de praxes habituais que emprega o Estado Espanhol com os presos independentistas.
Cinco patrulhas da Guardia Civil situadas à beira da concentraçom e nas suas proximidades gravárom as/os assistentes sem proceder em qualquer momento à sua identificaçom. Após rematar o ato, um dispositivo do instituto armado espanhol instalou um controlo na estrada de Bertamiráns a Compostela, ordenando parar aqueles carros a cujas/os condutoras/es reconheciam visualmente por participar no protesto pró repatriaçom de Adriám Mosqueira. Aqui produzírom-se retençons, identificaçons e registos das viaturas.
Com esta vam já três mobilizaçons ás portas dos concelhos de donde som vizinhos os presos. As anteriores fixerom-se em Vigo e em Compostela e a seguinte será em Téu o dia 23 de dezembro.