Mais quatro pessoas imputadas na Corunha pola Audiência Nacional por portar fotos d@s pres@s

Concentraom_mensal-CEIVAR_CORUNHA31-05-13-4No dia de ontem, 31 de Outubro, quatro solidári@s da Corunha recibirom citaçons da Audiência Nacional por um suposto delito de enaltecimento do terrorismo. As pessoas imutadas, que respondem às iniciais de A.R.T., J.L.E.R., P.S.E.P. e A.E.E.C., presuntamente participarom na concentraçom pola liberdade dos presos independentistas que se celebrou na Corunha o 31 de Maio deste ano e portarom as fotos destes. Estas pessoas forom identificadas por grabaçons tomadas por agentes da brigada de informaçom da comisaria da Corunha.

Com estas 4 pessoas e um moço que hai umhas semanas foi identificado colando os cartazes da campanha de socializaçom dos presos, já som 26 as imputadas por este suposto delito.

Lembrar que esta imputaçom carece de fundamento jurídico, ao nom poder existir um delito de enaltecimento quando as fotos portadas som de pessoas que, no momento que se celebrou esta concentraçom, ainda nom foram julgadas nem condenadas por delito algum.

De Ceivar queremos denunciar a generalizaçom destas imputacións que coartam o dereito de manifestaçom e livre expressom de ideias e persegue o silenciamento do posicionamento do independentismo frente a situaçom dos presos políticos.

Novas anteriores relacionadas:

 

*A imagem que acompanha esta nova corresponde a concentraçom do 31/05/2013 celebrada na Corunha