Hoje, 11 de outubro, cumprem-se 23 anos desde que Lola Castro e José Vilar, independentistas e combatentes do Exército Guerrilheiro do Povo Galego Ceive (EGPGC), caíram em combate em umha operaçom contra o narcotráfico. Esta data passou a determinar o Dia da Galiza Combatente, dia no que o independentismo galego, desde o ano 2001, lembra e homenageia as galegas e galegos que o derom todo pola soberania nacional e o respeito dos nossos direitos como povo.
De Ceivar queremos unirnos a esta homenagem a todos e todas as repressaliadas na luita pola libertaçom nacional e socialdo nosso País.
As seguintes organizaçons celebram atos este fim de semana para comemorar o Dia da Galiza Combatente:
A Assembleia da Mocidade Independentista adica o 11 de Outubro ao Comité Revoluzonario Arredista Galego da Havana com atividades no Centro Social Madia Leva em Lugo amanhá sábado 12 de Outubro. A programaçom é a seguinte:
17:00h Apresentaçom do dossier: Comité Revolucionario Arredista Galego d`Havana
18:30h Apresentaçom do livro: A mocidade nom se vende. Intentos de infiltraçom policial no independentismo galego
20:30h Manifestaçom, saída da Praça de Ferrol
22:00h Ceia popular
23:00h Concerto: MACHINA, apresentando o seu último trabalho: A SINDROME DE NERÖN
O domingo 13 de Outubro, a combatente galego-cubana Maria Araújo será homenageada nos atos organizados por NÓS-UP para comemorar o Dia da Galiza Combatente. Um ato político, oferta floral e jantar de confraternizaçom som as atividades que se realizaram nos seguintes horários:
13:00h Ato político na praça da Constituiçom de Redondela
14:30h Oferta floral às vítimas do fascismo na ponta da praia de Cesantes e depois jantar de confraternizaçom.