Hoje, quarta-feira 4 de setembro, declararom na Audiência Nacional baixo a acusaçom de “enaltecimento de terrorismo”, os quatro militantes do independentismo galego que portarom as fotos dos presos independentistas galegos durante a manifestaçom contra a megamineria na Galiza o passado 2 de Junho, na faixa que tradicionalmente Ceivar coloca na Praça da Galiza compostelana durante os transcursos das manifestaçons para visibilizar e denunciar a situaçom dos sequestrados polo estado espanhol.
Contra esta persecuçom ideológica, a assembleia antirepressiva aberta celebrada em Lugo está sexta-feira decidiu iniciar campanha informativa e convocar umha nova concentraçom para o 6 de Setembro às 20h30 na Praça Maior.
A assembleia antirepressiva aberta celebrada em Compostela também decidiu concentrar-se a próxima sexta-feira na Praça do Pam às 19:30h co mesmo objetivo: denunciar a criminalizaçom da solidariedade com @s pres@s independentistas por parte da Audiência Nacional.
A CIG e o Movemento pola Base emitirom ambos comunicados de apoio aos imputados e de denúncia do ataque à liberdade de expressom e ao direito à manifestaçom que esta intimaçom judicial supom.
A continuaçom, achegamos cartaze texto da assembleia antirepressiva aberta de Lugo:
Informa e denuncia.
Imputados independentistas solidários.
O seu delito “enaltecimento do terrorismo” por levar fotos de presos independentistas numha manifestaçom no 2 de junho contra às minas, teram que ir a Madrid no 4 de setembro a declarar na Audiência Nacional. Nengum dos presos foi ainda condeado mas continuam dispersados a centos de kilometros da Galiza.
A imprensa actua ao serviço da repressom publicando nomes e apelidos dos imputados quando estes ainda nom tinham notificaçom algumha. Fai-no também ao publicar mentiras sobre os feitos e manipulando a informaçom para fazer o seu juizo anticipado dos activistas solidarios.
Denunciemos este novo ataque a liberdade de expressom!
Basta de criminalizaçom da solidariedade!
Vos fascistas sodes os terroristas!
*Depois da concentraçom haverá assembleia informativa.
Sucesso das concentraçons mensais
Depois do parom do mês de Julho devido ao fatidico sucesso de Angrois, em Agosto voltarom às concentraçons mensais nas que reivindicamos a liberdade d@s pres@s independentistas galegos e apoiamos as suas reivindicaçons como colectivo -CPIG-.
Mês a mes estas convocatorias consolidam-se como ponto de informaçom e encontro anti-repressivo em cada vez mais comarcas do pais, a pasada sexta-feira forom 8 comarcas tendo grande sucesso de convocatoria nalgumha delas e mantendo-se nas demais, desde Ceivar trabalharemos por levar a solidariedade até o último recuncho do pais, porque nom estám sós.