Mais um ano os patriotas galegos presos saúdam a jornada de luita e reivindicaçom do 25 de Julho. Reproduzimos a continuaçom o comunicado enviado desde as prisons espanholas polo Colectivo de Presos Independentistas Galegos (CPIG).
Comunicado do Colectivo de Presos Independentistas Galegos ante o próximo Dia da Pátria
Achega-se o 25 de Julho, o nosso Dia da Pátria. Diante dumha data tam significativa para o nosso povo, desde o Colectivo de Presos Independentistas Galegos animamos a toda a cidadania galega a participar activamente nestas jornadas de luita e reivindicaçom dos nossos direitos nacionais, fazendo um anos mais da nossa capital umha expressom de dignidade e resistência colectiva ante as agressons do poder espanhol.
A acelerada fascistizaçom do Estado está a elevar os níveis de repressom e criminalizaçom da luita independentista, como demostram os processos judiciais abertos ou as contínuas campanhas dos meios do regime, preparando o terreno para condenas e operaçons policiais. Como sempre, insistimos na necessidade de superar esta realidade desde o combate colectivo, fugindo de atitudes vitimistas. A luita continua sendo o único caminho.
Enviamos um saúdo a todas as organizaçons patrióticas que neste Dia da Pátria reclamarám a soberania nacional e o poder popular como necessária saída à opressom estrutural que Galiza sofre.
Desde o Colectivo de Presos Independentista Galegos chamamos a acudir à manifestaçom nacional convocada por Causa Galiza neste 25 de Julho, fazendo sentir com força o independentismo revolucionário nas ruas de Compostela no nosso dia nacional.
Adiante pola independência!!
Viva Galiza Ceive!!