Do organismo popular anti-repressivo Ceivar iniciou-se umha campanha de socializaçom da repressom que estám a enfrontar os presos independentistas galegos e promover a solidariedade. Esta iniciativa visa transmitir à sociedade galega qual é a política que se está a aplicar por parte do Executivo espanhol aos citados militantes e denunciar as responsabilidades preceptivas.
Esta campanha centra-se na visibilizaçom nas ruas de cartazes explicativos da situaçom atual de cada preso e da sua biografia e trajetória política, social e cultural, galegos bons e generosos ao serviço do seu povo, em quem o Estado quer descargar a sua impotência ante a incapacidade de fazer-se respeitar.
Animamos a todos os coletivos e pessoas solidárias e defensoras das liberdades e contrárias à repressom estatal a difundir e colaborar com esta campanha de socializaçom, descarregando os cartazes no apartado de publicaçons desta web ou clicando na imagem desta nova, e cola-los nas ruas e locais do País.