Nas instalaçons do IFEVI em VIgo tivo hoje lugar umha assembleia dos comuneiros de Cabral para, entre outros assuntos, decidir sobre a expropriaçom patada entre estes e um grupo de inversom decidido a construir um megacentrocomercial na cidade do sul da Galiza. O terreno afetado, em Linheirinhos, seria destinado à construçom da enésima área comercial numha comarca já saturada deste tipo de estabelecimentos.
A anterior reuniom dos comuneiros tivera-se que suspender pola pressom de vizinhos contrários a este projeto e de pessoas pertencentes ao movimento popular de Vigo.
Nesta nova convocatória da Comunidade de montes de Cabral tampouco faltou a protesta, mas desta vez a abafante presença da polícia e de segurança privada provocou, como era de esperar, que nom tardassem em produzir-se golpes, cargas, e finalmente 3 detençons.
A força da gente conseguiu que também se suspendera esta assembleia e que se convoque umha reuniom informativa e aberta para todas as vizinhas de Cabral, e que a decisom se tome depois desta assembleia em urna.
As 3 pessoas detidas fôrom trasladadas a dependências policiais, onde continuam.
Solidariedade cos companheiros! Defender a terra nom é delito!
Imagem: Galiza Contrainfo