Fazemo-nos eco neste portal da nova piblicada polo centro social A Revira de Ponte Vedra no que informam da detençom dum militante desta associaçom cultural que participava em Madrid numha manifestaçom o 1 de Maio no bairro de Chueca contra a presença dos fascistas espanholistas de “Falange Española” e “Democracia Nacional”. Colamos a nova a continuaçom:
No dia de ontem vínhamos a conhecer a detençom dum militante da Associaçom Cultural Revira quando participava na contramanifestaçom convocada por diversos agentes sociais de Madrid no bairro de Chueca contra a presença de `Democracia Nacional´ e `Falange Española´. Certamente a cabra tira o monte, e, mais umha vez a delegada do governo Cristina Cifuentes permitiu os neonazis manifestar-se num bairro histórico e combativo mentres proibiu a concentraçom antifascista.
A policia antidisturbios num exemplo mais de servilismo carregou duramente contra os concentrados com o resultados de dezenas de identificados, feridos e o nosso companheiro detido. Os alí presentes informarom de que a detençom foi violenta e levada a cabo por nada menos que 4 agentes. A pouca informaçom que nos chegou indica que na tarde de hoje continuava sequestrado e sem poder comunicar-se com ningumha pessoa. Amanhá passará a dispossiçom judicial
Desde A Revira solicitamos a imediata posta em liberdade do companheiro Javi e chamamos a esquerda mais combativa a lutar contra o fascismo, expulsa-los dos nosso bairros, das nossas cidades e nom dar-lhes um respiro
Fronte a repressom solidariedade
A luita é o único caminho!