A detençom de ontem em Compostela do militante independentista Nahuel, da que alertamos neste portal ontem ao meio-dia, rematou coa sua posta em liberdade com carregos por volta das 20:00h após prestar declaraçom nos julgados de Compostela, baixo umha acusaçom de “desordens públicas”, ocorridas, supostamente, nos distúrbios acontecidos depois do remate da concentraçom de apoio trás a detençom do Senlheiro em Janeiro deste ano.
O aviso da detençom de Nahuel, pessoa ativa, solidária, entregada e moi querida nos movimentos sociais, correu coma um regueiro de pólvora entre amizades e coletivos da cidade, juntando em poucas horas sob quarenta pessoas que se concentrárom mentres a policia registava a sua morada. Mentres se produzia o registo, os anti-disurbios na rua carregárom contra os ali presentes resultando várias pessoas feridas e umha detida, que fica já em liberdade e à que lhe imputam “desordens públicas” e “atentado à autoridade”.
Manipulaçom mediática de El Correo Gallego
Vários meios de comunicaçom alternativos, coma o GalizaLivre, DiárioLiberdade e o SermosGaliza, informarom e denunciarom a detençom do independentista namentres o jornal compostelano direitoso e fiel ao régime, ElCorreoGallego, nom tardou em dar umha versom policial dos factos, criminalizando, intoxicando e situando a nova da detençom em destaque com um título, repudiável por qualquer código deontológico do jornalismo, no que continua a linha de invençom, iniciada pola fiscalia da Audiência Nacional, dumha suposta organizaçom armada na Galiza que atinge a todo o tecido associativo nacional.
De Ceivar queremos denunciar publicamente o exercício de linchagem pública e intoxicaçom mediática que realiza este suposto “jornal” e instamos ao Colégio Profissional de Jornalistas a denunciar as flagrantes agressons aos direitos de presunçom de inocência, honra e privacidade que pratica este meio des-informativo.